Изложба на Емилија Лазаревска во Мултимедијалниот центар Мала Станица
Wed, 06/30/2010 - 12:43
Ве информираме дека на 13 мај 2010 година (четврток), во 20.30 часот во Националната Галерија на Македонија, во просториите на Мултимедијалниот центар Мала Станица, ќе се отвори изложбата `Нечии приказни` на Емилија Лазаревска. Цртежите на Лазаревска се жизнерадосни рурални пејсажи, во кои старата селска архитектура добила ново руво, бајковен лик, весела наративност, живост, пулсација.
Емилија Лазаревска дипломирала на Факултетот за ликовни уметности во Скопје, оддел графика со графички дизајн во 2002 година. Учествувала на повеќе групни изложби и колонии и во 2007 година ја освојува наградата Драгутин Аврамовски – Гуте.
